800 038 499

Numero Verde gratuito

Email

info@ilveses.com

Tera: Al canton dei bekanot

declinazioni varie della parola "Tera"

Tera: Al canton dei bekanot

declinazioni varie della parola "Tera"
Al canton dei bekanot

Al 22 de aprile le la “Giornata Internazionale della TERRA”. Ho proà a far na roba diversa e ho dit: «Me falo gner i mente che frasi la parola TERA…?». L’ho scrit qua sot e parte da:

“VACA TERA!”

Un dei me maestri (de vita) co ghe vegnea su i fotoi par no bestemar al disea «Vaca Tera!». Pecà che no l sie pì qua, ghe ha tocà morir anca lu. Vaca tera!

“AN TOC DE TERA”

Quante fadighe par comprar sto toc de tera: migrazion, lagreme, sognar de far su na casa, po na fameia, i fioi che cor e che i duga tel cortiol, i veci che strussia i pie poiadi tel baston o sentadi do a fumar la pipa.

“LAORAR LA TERA”

Arar, netar, semenar, bianar, segar, spetar, tirar su, po spetar de novo e netar, butar al ledan, arar, semener, «speron che piove», «la e seca, la e moia» e po spetar, netar, spander, arar… semenar… spetar…

“METER RADIS”

Sentirse a casa, fermarse ten posto che te fae star ben, che te fae dir: «Son stuf de scampar, ho bisogn de poiarme».

“NO L TOCA TERA”

Lediero come l’aria. Festa tel cor, par na sodisfazion, na bela novità, an amor vero che te fae solar (volare). Opur co te conta de aver vint a carte e quel’altro la pers malamente (no l’ha tocà tera!). O co te nas an fiol!

“STA CO I PIE’ PAR TERA”

Fa le robe con sentimento e “sbassa le ale”.

“ATU FAT TERA TE LE MUDANDE?”

La prima olta la ho sentida da n me amigo che l me ha fat rider. Ghe oria dir: “Atu ciapa paura?” o meio ncora “Ghe no piene le mudande”. Avè capì de che che se parla.

“LA TERA LA E BASA”

Toca sgobarse do par laorarla. Sbasar la testa. Par strapiantar an radicio na zeoleta toca indenociarse… come in cesa.

“MADRE TERRA”

Ah, mare mea! Che che te avon fat e sion drio farte! Abi la forza (e la voia) de perdonarne!

Se te vien in mente altro ciapa la pena e scrivi do…. Fe pulito!

Galleria Immagini

Acegli l’area tematica che più ti interessa oppure clicca sulla casa per ritornare alla Pagina Principale del sito.